「我好開心攞到呢個獎學金，好多謝咁多位贊助人、幫我嘅老師，我冇諗過自己會有機會，都係抱有一個試下嘅心態。面試到頒獎個下好緊張，最尾攞獎嗰下忍唔住喊咗出嚟。 下年我會去臺灣讀電影，繼續學更多關於影像製作嘅技巧，呢筆錢可以支持我繼續做影像創作，希望未來嘅作品會越黎越成熟好睇。跟住就係係臺灣讀完書之後，我計劃去德國再進修相關課程，呢筆錢可以幫到我更好咁準備作品集，報讀可以更加順利。 好多謝呢個獎學金，俾我見到好多可能性。我一直覺得自己係唔聰明個班人，對自己嘅作品都冇乜自信。但經過今次之後，心態有啲轉變：「可能我都得呢。」 報獎學金嗰陣，發覺好多人都好驚好猶豫，長氣啲講，報就有可能㗎啦，大家加油。我覺得獎學金係一個由冇可能到得到幸福嘅過程。」